Weblog
Sunday, 01 November 2009
-
十月最後一星期....
十月尾, 呢個星期我以為自己的 SKIN INFECTION 已經好得七七八八.....點知又起過D新嘅, 究竟幾時先會好番呢?? 我已經唔想再睇醫生......除因為貴之外....就係我唔想再食嗰D藥!!! 應該係類固朜....食到個人好唔舒服, 又腫又攰!!
星期一我去咗電髮!!!! 哈哈 ~~ 係一個新形象!! 我已經KEPT咗同一個LOOK FOR 三年! 好悶.....自己都頂唔順 ~ 出嚟個結果同我預期有好大分別, 都要怪自己冇同個髮型師講清楚!! =.=" ~~ 但都電咗喇, 所以只有慢慢接受!! 睇耐咗...宜家都OK嘅...同洗多咗幾次頭之後都已經冇咁爆!! 哈哈 ~~
遲D影張UPDATE D 嘅相再POST出嚟俾大家睇吓 ~~ ^^ ~~
電完髮嗰晚去咗 APPLEGREEN 食 DINNER, 主要係食SALAD 嘅, 都好好味 ~ 阿RICK唔食SALAD....試咗一啖都話GOOD !!
仲有其他嘢食, D PASTA 都OK 呀....可以做到軟硬適中 ~~
----------------------------------------------------------------------------------------
工作方面, 老闆去咗LONDON開會, 所以呢個WEEK可以好輕鬆咁過.....全公司都好RELAX ~~ 哈哈 ~~ 個個準時放工 ~~
聽日佢一返公司....大家又會再開始戰戰兢兢嘅OFFICE生活 ~~ =.=" ~~
----------------------------------------------------------------------------------------
Yesterday 係 HALLOWEEN, 我冇咩慶祝活動.....反而日頭都要返工, 放工返到屋企就開始大掃除 !! 洗廁所, 抺地, 吸塵......出一身汗感覺真好!!! 其實日日做家務真係可能減肥!!
夜晚就去睇詹瑞文嘅《港女發狂之港男發瘟 - 0靚模襲地球》!! 超正 !! 很享受的一個晚上 !! ^^ ~~
因為係HALLOWEEN, 所以有禮物 !! CANDIES + CONDOM !! 哈哈 ~~ 其實係想PROMOTE佢地嘅新SHOW - 《MICROSEX - 潮性》! 其實好懋去睇....可惜曾生冇時間 ~~ CHRISTMAS 佢一定要返工嘅..... >.< ~~~
----------------------------------------------------------------------------------
至於貓貓方面.....佢地有新玩具 !!
----------------------------------------------------------------------------------
聽日又要開始忙碌嘅生活！！！！
Saturday, 24 October 2009
-
........
又一段時間冇UPDATE....轉眼已經十月尾!!
十一月都嚟緊....依然係咁熱!! 全球暖化真係好嚴重...BUT NO ONE CARES!
--------------------------------------------------------------------------------------------
九月同十月都好忙, 好多ACCOUNTS要RENEW, 經常要同CLIENTS/保險公司開會食飯....有時真係覺得呢份工係雞肋! 知道自己唔係唔想做....但有時老闆俾我嘅無形壓力真係領我透不過氣 ~~ 好驚自己做錯嘢.....而且宜家HANDLE D ACCOUNTS 好多都好大, 一做錯嘢就好大鑊!! 有時一見到我老闆.....D血壓就會直線上昇!! 種感覺真係好難形容!! 驚驚呀 ~~
---------------------------------------------------------------------------------------------
ANYWAY, 九月領養多咗兩隻貓B...哈哈 ~ 宜家一屋四貓 ~~ 返工好攰....但返列屋企見佢地就會RELAX好多....
大白同小白好快接受佢地 ~ 佢地一仔一囡...囡叫阿GILL, 仔叫豆豆 ~ 唔好問我點解...因為係我阿媽改嘅 ~~ ^^ ~~
佢有時都好曳, 但貓B一定係咁....希望佢地大D會定D ~~
-------------------------------------------------------------------------------------------
十月有中秋節, 今年好特別....約咗一班中學同學去咗大陸玩 ~ 好耐冇見喇!! 我成日都講, 我嘅中學生活好多都唔值得去回憶, 同學好多都唔喜歡我, 我知係自己性格問題, ANYWAY 一切已經過去, 世界冇永遠嘅敵人 ~~ ^^ ~~
其實都要多謝佢地俾咗呢個經歷我, 自己先會有所成長 ~~
THE TRIP WAS SHORT, BUT SO MUCH FUN !! ^^ ~~
----------------------------------------------------------------------------------------------
十月仲有一個地方我係成日去嘅....呢個就係診所 ~ 十月睇醫生真睇到破產 ~~ 唔知同壓力有冇關係...我成身都出紅印, 醫生話我全身皮膚敏感而且受細菌感染.....好痕 ~ 唉 ~ 不過宜家好咗九成.....仲有D印 ~
----------------------------------------------------------------------------------------------
真係多事之「秋」!!
Tuesday, 08 September 2009
-
~ 工作一週年 ~
已經進入社會大學一年.......人一生平均要做三十年嘢.....THAT MEANS I STILL HAVE 29 YEARS TO GO!
Sunday, 06 September 2009
-
~ 小學同學聚會 ~
今朝都仲要返工..長週....無計...同事都關心我個腸胃炎嘅康復進展如何.....但可以話俾大家聽...頭先又再一次腹瀉 ~ 唉 ~~有時諗...其實係咪D燕麥幫我清緊腸胃定點....真係好耐都冇正常咁方便 ~~ @@"下午就約咗D小學同學GATHERING, PETER喺新加坡返咗嚟, 所以大家都有個理由聚一聚 ~~ 我地晚餐去大榮華食, 超飽 ~~ 今日另外一個目的就係去KAMAN屋企....睇番佢D結婚相 ~~ 佢去台灣影....用咗40K ~ SO MUCH!!! 希望第時都可以去台灣影....MASALILI ~~ 嘻嘻 ~~KAMAN 屋企好靚 ~ 係遠D...但屋企好大, 好闊落 ~~ 不過交通又唔係話真係咁唔方便, 係時間囉 ~ 但宜家西鐡直達TST...都好好多 ~~ 元朗, 屯門D租真係平好多....車費其實又唔係咁TERRIBLE ~~ 可以考慮得過 ~~ (P.S. 曾生唔係咁BUY呢個IDEA.....ANYWAY....)我地去KAMAN屋企打攪....佢仲整埋甜品俾我地食, 係綠茶PUDDING, 好味呀...賣相仲好靚 ~ 可惜大家都掛住食, 冇影相 ~~ :P ~~大家坐埋都係傾吓大家近況 ~從佢地口中得知到兩個消息....(1) 較早前有香港老師喺京都清水寺做出STUPID行為, 友人證實, 呢位係我小學一位"老師"....其實嚴格嚟講...佢唔係我嘅老師, 因為佢係喺我畢業之後先去教.....之後呢個消息係BAD NEWS...(2) ......之前有援交少女被殺後......再被人肢解.....個兇手係我嘅一位小學同學, 提起呢位"同學", 我其實一D印象都冇, 因為佢係插班生, 而且佢STAY咗一年ONLY, 小五就去咗另外一間讀 ~ 大家講起佢..我完全記唔起佢個樣....我都係要返屋企GOOGLE佢先記得起有個咁嘅同學....想當年大家都係九歲十歲嘅豆丁.......估唔到今時今日有D咁嘅事情發生, 聽完個心好唔舒服!!!希望個女仔可以安息!! R.I.P !!亦希望時下年青人真係可以三思而後行!! THINK FOR OTHERS, THINK FOR THEMSELVES!
Wednesday, 02 September 2009
-
~ 當年今日 ~
去年今日我搵到我人生第一份FULL TIME PERMANENT JOB !!
上年對呢份工作充滿熱忱, 好希望自己可以做得好....我都好俾心機去學每一件新事物....
一年喇......好記得老闆喺我見工時同我講最起馬做一年去認清楚自然想要D咩 ~~
經過呢一年, 特別係四月嘅考驗, 我知道我自己縱使唔喜歡老闆嘅待人處事態度....但我自己本身係喜歡呢份工作!!
最近當阿 HING (我直屬MANAGER) 放假嘅時候, 我自己一個人傾掂咗一份 PLI (PRODUCT LIABILITY INSURANCE) , 我嘅滿足感其實好大...o個一刻我知道我自己其實係可以做得到嘅!!
另外, 七月o個時其中有一個客送咗一份小禮物俾我...其實係佢去台灣旅行時買嘅一包菓風小鋪糖, 係多謝我呢一年嘅幫助 ~~
(p.s. 呢個係大客....同公司買咗一大堆 INSURANCE...我地雖然冇見過, 但呢一年嚟差不多日日都要講電話, 我同呢個 CLIENT 有一種熟悉又陌生嘅感覺)佢嘅呢一包糖令我對我自己嘅工作有番一點點嘅信心, 每一次當我對工作感到灰心...我都會望吓呢包糖....提醒自己係得嘅!!!
過咗幾個月嘅過渡期.....自己都知道工作都係要做嘅 !!
THINK POSITIVE!!!
True
